Author: Admin Jawawamsa

Di tengah dunia yang bergerak serba cepat, falsafah Jawa alon alon waton kelakon sering terdengar seperti…

ꦱꦶꦏꦥ꧀ꦎꦫꦏꦼꦱꦸꦱꦸꦔ꧀ꦭꦠꦶꦃꦩꦤꦸꦱꦱꦸꦥꦪꦧꦶꦱꦔꦼꦤ꧀ꦢꦭꦺꦤꦶꦄꦮꦏꦺꦝꦺꦮꦺ꧉ꦆꦁꦧꦸꦢꦪꦗꦮ꧈ꦮꦺꦴꦁꦏꦁꦏꦼꦱꦸꦱꦸꦤꦁꦒꦥꦶꦱꦼꦮꦶꦗꦶꦤꦶꦁꦥꦿꦏꦫꦏꦿꦼꦥ꧀ꦢꦶꦄꦁꦒꦺꦥ꧀ꦢꦸꦫꦸꦁꦗꦼꦫꦺꦴꦥꦩꦶꦏꦶꦫꦤ꧀ꦭꦤ꧀ꦥꦔꦿꦱꦤꦺ꧉ꦌꦩꦺꦴꦱꦶꦏꦁꦒꦩ꧀ꦥꦁꦚꦼꦧ꧀ꦭꦸꦒ꧀ꦏꦿꦼꦥ꧀ꦢꦶꦥꦤ꧀ꦝꦁꦱꦼꦧꦒꦻꦥꦿꦠꦤ꧀ꦝꦪꦼꦤ꧀ꦧꦠꦶꦤꦺꦢꦸꦫꦸꦁꦩꦥꦤ꧀꧉ ꦏꦤ꧀ꦛꦶꦎꦫꦏꦼꦱꦸꦱꦸ꧈ꦩꦤꦸꦱꦱꦶꦤꦻꦴꦤꦸꦤ꧀ꦝꦠꦁꦒꦥꦤ꧀꧈ꦢꦸꦢꦸꦤꦸꦤ꧀ꦝꦈꦫꦶꦥ꧀꧉ꦤꦸꦁꦒꦸꦢꦸꦢꦸꦥꦿꦠꦤ꧀ꦝꦏꦼꦭꦺꦩꦲꦤ꧀꧈ꦤꦁꦶꦁꦕꦫꦩꦼꦤꦺꦲꦶꦥꦧꦤ꧀ꦩꦫꦁꦄꦏꦭ꧀ꦭꦤ꧀ꦫꦱꦱꦸꦥꦪꦧꦶꦱꦩꦏꦂꦪꦧꦼꦧꦫꦼꦔꦤ꧀꧉ ꧅ꦄꦭꦺꦴꦤ꧀ꦆꦁꦚꦧ꧈ꦗꦺꦫꦺꦴꦆꦁꦚꦼꦗꦺꦫꦺꦴ꧅ ꦏꦿꦼꦥ꧀ꦩꦸꦚ꧀ꦕꦸꦭ꧀ꦥꦤꦼꦩꦸꦪꦼꦤ꧀ꦮꦺꦴꦁꦗꦮꦆꦏꦸꦄꦭꦺꦴꦤ꧀꧉ꦤꦁꦶꦁꦏꦁꦏꦠꦺꦴꦤ꧀ꦄꦭꦺꦴꦤ꧀ꦆꦏꦸꦭꦸꦩꦿꦲꦺꦩꦸꦁꦱꦏꦚꦧꦤꦺ꧉ꦆꦁꦚꦼꦗꦺꦫꦺꦴ꧈ꦥꦿꦺꦴꦱꦺꦱ꧀ꦩꦶꦏꦶꦫꦺꦧꦶꦱꦢꦮꦭꦤ꧀ꦫꦸꦩꦶꦠ꧀꧉ꦄꦏꦺꦃꦏꦼꦥꦸꦠꦸꦱꦤ꧀ꦒꦼꦝꦺꦆꦁꦧꦸꦢꦪꦗꦮꦎꦫꦢꦶꦈꦩꦸꦩꦏꦺꦏꦤ꧀ꦛꦶꦫꦩꦺꦫꦩꦺ꧈ꦤꦁꦶꦁꦢꦶꦠꦶꦤ꧀ꦢꦏꦏꦺꦏꦤ꧀ꦛꦶꦠꦼꦤꦁꦱꦮꦶꦱꦺꦢꦶꦥꦶꦏꦶꦂꦲꦶꦁꦒꦩꦠꦼꦁ꧉ ꦏꦕꦼꦥꦼꦠꦤ꧀ꦎꦫꦠꦤ꧀ꦱꦃꦢꦶꦄꦁꦒꦺꦥ꧀ꦥꦶꦤ꧀ꦠꦼꦂ꧉ꦏꦁꦭꦸꦮꦶꦃꦢꦶꦲꦗꦺꦤꦶꦪꦲꦶꦏꦸꦏꦼꦠꦼꦥꦠꦤ꧀꧉ꦱꦭꦃꦭꦁꦏꦃꦄꦩꦂꦒꦏꦼꦱꦸꦱꦸꦧꦶꦱꦔꦿꦸꦱꦏ꧀ꦏꦫꦸꦏꦸꦤꦤ꧀ꦏꦁꦮꦶꦱ꧀ꦢꦶꦧꦔꦸꦤ꧀ꦱꦸꦮꦺ꧉ ꧅ꦮꦺꦏ꧀ꦠꦸ꧈ꦏꦫꦸꦏꦸꦤꦤ꧀꧈ꦭꦤ꧀ꦈꦫꦶꦥ꧀ꦱꦺꦴꦱꦶꦪꦭ꧀꧅ ꦎꦫꦏꦼꦱꦸꦱꦸꦲꦸꦒꦒꦼꦒꦤ꧀ꦝꦺꦁꦲꦤ꧀ꦏꦤ꧀ꦛꦶꦈꦫꦶꦥ꧀ꦧꦼꦧꦿꦪꦤ꧀꧉ꦏꦼꦱꦸꦱꦸꦤꦸꦤ꧀ꦠꦸꦠ꧀ꦲꦱꦶꦭ꧀ꦧꦶꦱꦔꦁꦒꦁꦒꦸꦏꦫꦸꦏꦸꦤꦤ꧀꧉ꦏꦼꦱꦸꦱꦸꦩꦼꦏ꧀ꦱꦎꦮꦃꦎꦮꦲꦤ꧀ꦧꦶꦱꦔ꧀ꦭꦫꦤꦶꦥꦁꦿꦱꦤꦺꦮꦺꦴꦁꦭꦶꦪ꧉ꦩꦸꦭꦮꦺꦴꦁꦗꦮꦭꦸꦮꦶꦃꦱꦼꦤꦼꦁꦩꦶꦭꦶꦃꦢꦭꦤ꧀ꦏꦁꦄꦭꦺꦴꦤ꧀ꦤꦁꦶꦁꦎꦫꦤꦧꦿꦏ꧀ꦠꦠꦤꦤ꧀꧉ ꦆꦁꦏꦺꦴꦤ꧀ꦠꦺꦏ꧀ꦱ꧀ꦆꦏꦶ꧈ꦮꦺꦏ꧀ꦠꦸꦢꦢꦶꦥꦶꦫꦤ꧀ꦠꦶꦏꦁꦒꦺꦴꦚꦒꦏꦏꦺꦏꦼꦱꦺꦲꦶꦩ꧀ꦧꦔꦤ꧀꧉ꦢꦸꦢꦸꦏꦁꦒꦺꦴꦔꦸꦤ꧀ꦠꦸꦁꦏꦏꦺꦱꦶꦗꦶꦥꦶꦲꦏ꧀꧈ꦤꦁꦶꦁꦱꦸꦥꦪꦏꦧꦺꦃꦥꦶꦲꦏ꧀ꦧꦶꦱꦩ꧀ꦭꦏꦸꦧꦼꦧꦫꦼꦔꦤ꧀꧉ ꧅ꦆꦁꦠꦼꦔꦃꦢꦺꦴꦚꦏꦁꦱꦼꦂꦧꦕꦼꦥꦼꦠ꧀꧅ ꦆꦁꦗꦩꦤ꧀ꦩꦺꦴꦢꦼꦂꦤ꧀꧈ꦥꦿꦶꦤ꧀ꦱꦶꦥ꧀ꦎꦫꦏꦼꦱꦸꦱꦸꦏꦿꦼꦥ꧀ꦢꦶꦄꦁꦒꦺꦥ꧀ꦮꦶꦱ꧀ꦎꦫꦕꦺꦴꦕꦺꦴꦒ꧀ꦩꦤꦺꦃ꧉ꦢꦺꦴꦚꦤꦸꦤ꧀ꦠꦸꦠ꧀ꦏꦕꦼꦥꦼꦠꦤ꧀꧈ꦠꦁꦒꦥꦤ꧀ꦆꦤ꧀ꦱ꧀ꦠꦤ꧀꧈ꦭꦤ꧀ꦲꦱꦶꦭ꧀ꦏꦁꦕꦼꦥꦼꦠ꧀꧉ꦤꦁꦶꦁꦗꦸꦱ꧀ꦠꦿꦸꦆꦁꦠꦼꦔꦃꦠꦼꦏꦤꦤ꧀ꦏꦪꦩꦁꦏꦺꦴꦤꦺꦴ꧈ꦤꦶꦭꦻꦆꦏꦶꦱꦪꦏꦠꦺꦴꦤ꧀ꦮꦶꦒꦠꦶꦤꦺ꧉ ꦎꦫꦏꦼꦱꦸꦱꦸꦩꦸꦭꦁꦩꦤꦸꦱꦱꦸꦥꦪꦒꦼꦭꦼꦩ꧀ꦩꦤ꧀ꦝꦼꦒ꧀ꦱꦼꦝꦺꦭ꧉ꦩꦼꦤꦺꦲꦶꦮꦺꦏ꧀ꦠꦸꦏꦁꦒꦺꦴꦩꦶꦏꦶꦂꦱꦢꦸꦫꦸꦁꦔꦺꦴꦩꦺꦴꦁ꧈ꦤꦶꦩ꧀ꦧꦁꦱꦢꦸꦫꦸꦁꦠꦸꦩꦶꦤ꧀ꦢꦏ꧀꧈ꦭꦤ꧀ꦩꦔꦼꦂꦠꦺꦤꦶꦱꦢꦸꦫꦸꦁꦩꦼꦤꦺꦲꦶꦥꦼꦤꦶꦭꦻꦪꦤ꧀꧉ꦢꦸꦢꦸꦤꦺꦴꦭꦏ꧀ꦏꦼꦩꦗꦸꦮꦤ꧀꧈ꦤꦁꦶꦁꦤꦺꦴꦭꦏ꧀ꦈꦫꦶꦥ꧀ꦏꦁꦢꦶꦏꦸꦮꦱꦤꦶꦫꦱꦥꦤꦶꦏ꧀꧉ ꦏꦁꦒꦺꦴꦮꦺꦴꦁꦗꦮ꧈ꦮꦺꦏ꧀ꦠꦸꦢꦸꦢꦸꦧꦫꦁꦏꦁꦏꦸꦢꦸꦢꦶꦲꦺꦴꦪꦏ꧀꧈ꦤꦁꦶꦁꦧꦫꦁꦏꦁꦏꦸꦢꦸꦢꦶꦩꦁꦼꦂꦠꦺꦤꦶ꧉ꦎꦫꦏꦼꦱꦸꦱꦸꦱꦼꦧꦒꦻꦮꦸꦗꦸꦢ꧀ꦥꦼꦂꦭꦮꦤꦤ꧀ꦄꦭꦸꦱ꧀ꦩꦫꦁꦈꦫꦶꦥ꧀ꦏꦁꦏꦼꦧꦕꦸꦠ꧀ꦫꦩꦺꦭꦤ꧀ꦏꦼꦱꦸꦱꦸ꧉ ꦥꦿꦶꦤ꧀ꦱꦶꦥ꧀ꦆꦏꦶꦔꦺꦭꦶꦁꦏꦏꦺꦪꦼꦤ꧀ꦎꦫꦏꦧꦺꦃꦏꦁꦕꦼꦥꦼꦠ꧀ꦆꦏꦸꦩꦼꦱ꧀ꦛꦶꦧꦼꦤꦼꦂ꧈ꦭꦤ꧀ꦎꦫꦏꦧꦺꦃꦏꦁꦄꦭꦺꦴꦤ꧀ꦆꦏꦸꦩꦼꦱ꧀ꦛꦶꦱꦭꦃ꧉ꦏꦝꦁꦏꦭ꧈ꦏꦤ꧀ꦛꦶꦩ꧀ꦭꦏꦸꦄꦭꦺꦴꦤ꧀꧈ꦩꦤꦸꦱꦩꦭꦃꦧꦶꦱꦤ꧀ꦝꦼꦭꦺꦁꦭꦸꦮꦶꦃꦄꦢꦺꦴꦃꦭꦤ꧀ꦔ꧀ꦭꦏꦺꦴꦤꦶꦈꦫꦶꦥ꧀ꦏꦤ꧀ꦛꦶꦭꦸꦮꦶꦃꦗꦁꦏꦼꦥ꧀꧉

Bahasa Jawa bukan sekadar alat komunikasi. Ia adalah sistem sosial yang hidup. Di dalamnya tersimpan peta…

Jawa bukan sekadar wilayah geografis atau identitas etnis. Ia adalah sebuah cara hidup. Sebuah sistem nilai…